Ginpabakod ni Pangeong Ferdinand “Bongbong” Marcos Jr. ro panawagan ni Department of the Interior and Local Government (DILG) Secretary Benjamin Abalos Jr. nga maghalin sa pwesto ro mga 3rd level police official it Philippine National Police.
Suno kay Marcos Jr., raya ro anng promisa tag imaw hay ga pangampanya pa eamang nga paga-aksyunan nana ro problema it nasyon pag-abot sa ilegal nga droga.
Ginklaru it Pangueo nga may “go signal” sigon imaw angot sa naging tikang ngnra ni Abalos ag sa kamatuoran sigon hy mabuhay eon nanda rayang ginaplanuhan.
Kinahangean sigon raya nga himuon bangud indi sigon matabo ro problema sa ilegal nga droga kung bukon it eakot ro pilang pulis kara rason nga tyempo eon sigon nga limpyohan ro bilog nga Pambansang Pulisya.
Ginpahayag dugang pa it punong ehekutibo, angot kara hay magabilog man sanda it sangka komisyon nga magatan-aw sa records it mga police officials.
Raya sigon ro maid-id nga magatan-aw ag magapabalik sa mga raya sa serbisyo kung owa sanda it may kaangtanan sa ilegal nga droga, ag sanda man hay magapasaka it kaso sa mga mapamatud-an nga eakot sa nasambit nga iligalidad .
