KALIBO, Aklan—Gin-insister ni OIC provincial agriculturist Salome David nga ro coverage it crop insurance hay libre para sa mga mangunguma.
Raya hay sa tunga it naexperiensiyahan makaron nga climate change bukon eamang it sa Pilipinas kundi sa bilog nga kalibutan.
Ginpaathag ni David nga sa tiempo it kalamidad hay importante ro crop insurance para sa mga mangunguma agud nga maka-claim sanda para sa kahalitan it andang tanum ag may magamit nga pondo bilang preparasyon sa masunod nga cropping.
Dapat suno kana nga mag-agto ro mga farmers sa andang natungdan nga municipal agriculturist ukon sa office of the provincial agriculturist agud nga mapalista ukon mapa-enroll ro andang mga ueumhan.
Apang, ginklaru kara nga kinahangean anay nga mapa-enroll it mga mangunguma ro andang ueumhan para sa crop insurance antes nga tamnan.
Mag-eowas sa crop insurance, dapat man nga i-enroll it mga mangunguma ro andang mga kaugalingon agud nga makaangkon it life insurance coverage sa balor nga 50 pesos.
Ro mga mangunguma nga owa pa it 70 anyos hay sakop it life insurance.
Ginbuhi sigon it Department of Agrarian Reform (DAR) ag Philippine Crop Insurance Corp. (PCIC) ro insurance program para sa agrarian reform beneficiaries.
Ro mga mangunguma eamang sigon nga nakalista sa idaeum it Registry System for Basic Sectors in Agriculture ukon RSBSA ro maka avail it insurance program.
Samtang, gindugang pa kara nga magpa-accredit man ro mga rice cooperatives ag association agud nga magpa-accredit sa Department of Agriculture (DA).
