-- ADVERTISEMENT --
KALIBO, Aklan—Uman nga nadungan it kapin sa 32 nga panibag-ong kaso it Coronavirus Disease 2019 ukon COVID-19 ro probinsya it Aklan.
Base sa pinakaulihing datus nga ginpagguwa kahapon, Nobyembre 28, ro banwa it Kalibo ro nakalista it pinakamaabo nga bag-ong kaso nga kapin sa 26, sumunod kara ro Numancia nga may ap-at kamana man ro Makato ag Tangalan nga nakalista it tig sambilog.
Kaangot kara, sumaka man sa 105 ro aktibong kaso kung siin 99 kara ro presenteng naka-facility quarantined ag an-om ro gin-admit sa ospital.
Sa makaron hay naga-abot eon sa 294 ro kabilugan nga kaso it makataeapon nga sakit sa Aklan samtang ro mga naka-recover hay 180 matapos madungan it daywa ag nagapabilin nga siyam ro namatay.
