-- ADVERTISEMENT --
KALIBO, Aklan—Uman nga nakalista it tatlong panibag-ong kaso it Coronavirus Disease 2019 ukon COVID-19 sa probinsya it Aklan.
Suno kay Dr. Cornelio Cuachon it Provincial Health Office ukon PHO-Aklan nga raya tanan hay puro mga Local cases.
Bangud kara, nag-abot eun sa 22 ro aktibong kaso it makamaeatay nga sakit sa probinsya kung siin 20 kara ro naka facility quarantined samtang ro daywa hay naka-admit sa Aklan Provincial Hospital.
Sa makarun hay naga-abot eon sa 192 ro total cases nga nailista sa probinsya samtang 9 eon ro nailistang namatay matapos nga dapuan it deadly virus.
