KALIBO, Aklan—Nagsaka pa sa kabilugang 1,411 ro kumpirmadong kaso it Coronavirus Disease 2019 ukon COVID-19 sa bilog nga probinsya it Aklan.
Base sa datus nga ginpagguwa it Aklan Provincial Epidemiology Surveillance Unit it Provincial Health Office, raya hay bangud sa 12 nga panibag-ong nagpositibo sa deadly virus nga gina kaeakipan it pitong kaso maghalin sa banwa it Malay, daywa sa Banga ag tig sa sambilog nga kaso sa Ibajay, Kalibo ag Malinao.
Sa pihak kara, may 6 man nga nagdugang sa listahan it mga nagmayad rason nga humampak eon sa 1,222 ro total recoveries.
Samtang, nagapabilin sa 35 ro numero it mga namatay bangud sa nasambit nga sakit.
Sa makaron, 155 pa ro nabilin nga aktibong kaso nga ginakaeakipan it 131 nga naka-facility quarantined, 15 nga admitted sa Aklan Provincial Hospital ag 9 nga naka-home quarantined.
