KALIBO, Aklan—Humampak eon sa 451 ro kabilugan nga kaso it Coronavirus Disease 2019 ukon COVID-19 nga nailista sa probinsiya it Aklan umpisa nga eumupok ro pandemya sa nasyon.
Suno kay Dr. Cornelio Cuatchon Jr., it PHO-Aklan nga raya hay matapos makalista it 29 nga dugang nga panibag-ong kumpirmadong kaso it sakit ro Provincial Epidemiology and Surveillance Unit ko Disyembre 31.
Kaeabanan sigon kara hay na-expose sa mga covid positive.
Sa kabilugan nga kumpirmadong kaso, 73 ro aktibong kaso ag 15 ro namatay.
Pinakamaabung numero kara hay naghalin sa banwa it Kalibo kamana man sa pilang parte it Numancia, Lezo, Banga, Malinao ag Balete.
Ro Kalibo nga ginakabig makaron nga sentro it pandemic hay nakalista it kapin sa 50 porsiyento it kabilugan nga kaso.
Samtang, ro Western Visayas hay nakalista makaron it 21,618 nga kumpirmadong kaso ko Disyembre 31, eakip ro 782 nga aktibong kaso.
Sa kabilugan, 652 nga katawo eon ro namatay sa bilog nga rehiyon.
Ro probinsiya it Negros Occidental ro makabig nga eubus nga apektado nga lugar nga nakalista it 6,380 nga kumpirmadong kaso nga ginsundan it Bacolod City nga may 5,597 ag Iloilo City nga may una man nga 4,666 nga kaso.
Agud nga malikawan ro mas pang pagkalhit it makamaeatay nga sakit, padayun nga gina-engganyo it health authorities ro publiko nga mag obserba sa physical distancing, kamana man ro pagsuksok it face masks ag face shields.
Sa pihak nga parte , bangud sa pagkabaeaka sa panibag-ong Covid-19 variant nga nadiskubre sa united kingdom nga ginasugid nga mas madasig nga magtapon, nagpatuman ro gobyerno it pilipinas it ban sa mga biyahero nga naghalin sa 20 nga mga nasyon.
Samtang, ro Western Visayas hay nakalista makaron it 21,618 nga kumpirmadong kaso ko Disyembre 31, eakip ro 782 nga aktibong kaso.
Sa kabilugan, 652 nga katawo eon ro namatay sa bilog nga rehiyon.
Ro probinsiya it Negros Occidental ro makabig nga eubus nga apektado nga lugar nga nakalista it 6,380 nga kumpirmadong kaso nga ginsundan it Bacolod City nga may 5,597 ag Iloilo City nga may una man nga 4,666 nga kaso.
Agud nga malikawan ro mas pang pagkalhit it makamaeatay nga sakit, padayun nga gina-engganyo it health authorities ro publiko nga mag obserba sa physical distancing, kamana man ro pagsuksok it face masks ag face shields.
Sa pihak nga parte , bangud sa pagkabaeaka sa panibag-ong Covid-19 variant nga nadiskubre sa united kingdom nga ginasugid nga mas madasig nga magtapon, nagpatuman ro gobyerno it pilipinas it ban sa mga biyahero nga naghalin sa 20 nga mga nasyon.
