KALIBO, Aklan—Nakalista it 15 nga panibag-ong kaso it Coroavirus Disease 2019 ukon COVID-19 sa probinsya it Aklan.
Base sa pinakaulihing datus it Aklan Provincial Epidemiology Surveillance Unit it Aklan Provincial Health Office, sumaka eon sa 798 ro kabilugan nga kaso it sakit sa probinsya.
Sa nasambit nga numero, 622 eon ro nagmayad matapos rayang madugangan it ap-at nga bag-ong recoveries makaron nga adlaw.
Samtang, ro active cases hay naga-abot sa 150 kung siin 139 sa mga pasyente hay naka-facility quarantined ag 11 ro admitted sa Aklan Provincial Hospital.
Nagapabilin man sa 26 ro namatay.
May kaangtanan kara, padayun gihapon ro pagpadumdom it mga health authorities sa publiko nga sundon ro mga health and safety protocols kapareho it pagsuksok it face mask, face shield ag pag-obserba it physical distancing para makalikaw sa pandemya.
