Sumaka eon sa pito ro nailistang kaso it Coronavirus Disease 2019 ukon COVID-19 sa banwa it Libacao.
Raya hay matapos nga madugangan it daywa ko adlaw it Huwebes ag sambilog nga bag-ong kaso makaron, Nobyembre 20.
Suno kay Dr. Aldrin Fernandez it Municipal Health office (MHO)-Libacao nga kaeakip sa nagpositibo ro asawa ag sambilog nga ungang eaeaki ag babaye it 65-anyos nga COVID-19 patient nga ginkabig nga kauna-unahang local case it andang banwa.
Suno kana, insigida sandang nagpatigayun it contact tracing kung siin nakalista sanda it kapin sa 20 ka mga indibidwal nga high risk contact it mga pasyente.
Ro lima sigon kara hay gilayon nandang ginpaidaeom sa swab test ko Huwebes ag puro tanan nagnegatibo sa virus.
Sa makaron hay ginahueat pa nanda ro resulta it nabilin nga 15.
Ginklaro man kara nga owa sa Libacao ro mga pasyente bangud ginsaylo eon sanda sa COVID Center ag Aklan Provincial Hospital.
