KALIBO, Aklan–Nag-abot eon sa 94 ro kabilugang kaso it COVID-19 nga nailista sa banwa it Malay umpisa nga magtuhaw ro pandemya.
Raya hay matapos nga makalista it bag-ong kumpirmadong kaso it COVID 19 ro Malay Municipall Health Office kahapon Marso 29.
Suno kay Dr. Athena Magdamit it Malay MHO, 35 kara ro aktibong kaso.
Kaabuan sigon sa mga nag positibo sa deadly virus hay naka-facility quarantine.
Sambilog ro pasyenteng namatay sa sakit nga nailista ko nagtaliwan pa nga dag-on.
Samtang, hugut sigon ro andang pagbantay sa isla it Boracay partikular sa barangay balabag bangud sa gulping pagsirit it kaso umpisa ko nagtaliwan nga adlaw matapos nga magtambong sa sangka party ro guest nga taga manila nga ko ulihi hay natukiban nga positibo sa COVID-19.
Mag-eowas suno kana sa zone 5 ag 6 hay may iba pa sandang lugar nga gina monitor agud nga matapna ro pagkalhit it virus.
