KALIBO, Aklan—Kapin sa 60 eun ro kabilugang numero it mga kaso it coronavirus disease ukon COVID-19 sa Purok 1, C laserna street barangay Poblacion, Kalibo.
Suno kay Brgy. Capt. Neil Candelario nga sa 1st batch, kapin sa 86 ro ginpaidaeum sa swab testing ag 22 kara ro nagpositibo sa covid-19.
Samtang 14 man ro nagpositibo sa 2nd batch it ginpatigayon nga RT-PCR test.
Ginaeauman man nga madugangan pa ro numero it mga nagpositibo bangud sa nakapending nga mgaresulta bangud owa nakapaguwa it datos ro Aklan Molecular laboratory matapos magka deperensya ro andang machine.
Ginpahayag dugang ni Kapitan Cadelario nga gineaygayan eun nana ro mga purok leaders nga buligan ro munisipyo ag probinsya sa pag monitor sa andang mga lugar ag gilayon nga magreport sa otoridad kung may makitaan it sintomas sa makamaeatay nga sakit.
Samtang ginpasiguroman kara nga andang pagahimuon ro tanan agud nga indi eun magkalhit pa ro virus sa kaeapit karang mga purok ukon lugar.
Sa makarun , may una eun nga 64 COVID-19 cases ro Brangay Poblacion sa banwa it Kalibo.
