KALIBO, Aklan—Kanselado ro mass vaccination events sa sueod it sang domingo sa bilog nga estado it Texas bangud sa pagpanaeasa it winter storm.
Suno kay Bombo International Correspondent Erna Gallagher it Dallas, Texas nga ro temporaryong pagpapundo sa naka-schedule nga bakuna kontra covid-19 hay para sa kaeowasan it tanan partikular sa mga pasyente ag mga volunteers.
Bangud sa mga snow suno kana sa daeanon hay delikado nga magmaneho ag ma-expose sa sobrang eamig it tiempo sa guwa it panimaeay.
Na-delay man suno kana ro pag-abot it pilang bakuna bangud sa weather condition.
Gindugang pa ni Gallagher nga sa makaron hay nagapabilin nga punuan ro mga ospital sa texas bangud sa mga pasyenteng may covid 19 nga ginpa-grabe pa it maeamig nga temperatura.
Nakalinyada eon suno kana sanda nga mag-asawa sa mga pagabakunahan, apang nagaduha-duha pa imaw kon magapa-inject bangud sa kahadlok nga nabatyagan.
