Kalibo Aklan —-Magapabilin sa quarantine facility it Aklan Training Center ro 37-anyos nga frontliner halin sa banwa it Malay matapos nga nagnegatibo eon sa 2019 coronavirus disease (COVID-19).
Ginpaathag ni Madel Joy Tayco, Deputy Information Manager it Boracay’s Task Force for COVID-19 nga kinahang-ean magpabilin sa quarantine facility ro pasyente hasta nga i-test imaw uman sa Abril 27 it presenteng dag-on.
Inde pa sigon mahambae nga fully recovered ro sangka pasyente hasta nga inde mag negatibo sa pangaywang test it anang specimen sample.
Suno pa kay Tayco, ro iba nga nakasalamuha it pasyente hay uwa eon nanda naidentify bangud nga uwa eon ro mga raya sa banwa it Malay.
Apang, sigurado sigon sanda nga uwa ro mga raya nakaangkon it COVID-19 bangud nga ro mga high risk contact hay nag negatibo sa nasambitang sakit.
Handom sigon nanda nga magnegatibo eon ro tanan nga mga indibidwal nga ginboe-an it specimen sample partikular halin sa andang banwa agud nga maibalik eon sa normal ro tanan.
