-- ADVERTISEMENT --
KALIBO, Aklan—Uman nga nadugangan it sambilog ro namatay bangud sa Coronavirus Disease 2019 ukon COVID-19 sa probinsya it Aklan.
Bangud kara, sumaka eon sa 52 ro numero it mga namatay tuga it COVID-19 infection.
Nakalista man it 21 nga bag-ong nagpositibo sa virus rason nga humampak eon sa 2,343 ro total confirmed cases base sa ginpagguwa nga datus it Provincial Health Office.
Sa pihak kara, may 44 man nga nagdugang sa listahan it mga nagmayad rason nga sumaka eon sa 2,003 ro total recoveries.
Sa makaron, 288 pa ro nabilin nga aktibong kaso nga ginakaeakipan it 218 nga naka-facility quarantined, 34 nga admitted sa Aklan Provincial Hospital ag 36 nga naka-home quarantined.
-- ADVERTISEMENT --
