-- ADVERTISEMENT --
KALIBO, Aklan—Kontrolado eon it lokal nga gobyerno ro sitwasyon it pandemya sa banwa it Malay.
Sa kamatuoran suno kay Malay mayor Frolibar Bautista, daywang adlaw eon nga uwa it nailistang kaso it deadly virus sa isla it Boracay.
Mag-eowas kara, nakumpleto nanda it pagbakuna ro 70 porsyento sa A1 group nga ginakaeakipan it mga frontliners.
-- ADVERTISEMENT --
Sa adlaw it Lunes suno kana hay maga-umpisa man ro vaccination rollout sa mga senior citizen ukon ro mga nakasueod sa A2 group.
Ginaeauman it opisyal nga tayuyon nga maganaba ro kaso it makataeapon nga sakit sa andang banwa sa bulig man it andang health authorities ag ro pagsunod it mga pumueoyo sa ginapatuman nga minimum health protocols.
