Kalibo Aklan ——-Ginaeauman eon makaron nga adlaw, Marso 9 ro pag-abot it unang batch it coronavirus disease (COVID-19) vaccine sa probinsiya it Aklan.
May kaangtanan kara, nagpatigayon it simulation exercise ro gobyerno probinsyal sa pagpanguna sa Provincial Health Office (PHO) bilang kaparte it pagpahaom sa pag-abot it bakuna.
Sa nasambit nga simulation exercise, dikara ginpakita ro mga proseso nga paga-agyan it mga kliyente nga pagabakunahan.
Paga-umpisahan raya sa registraton, counseling ukon health education, health screening, vaccination ag monitoring ag observation.
May mga nakataeana man nga mga doctors ag nurses sa kada proseso agud masigurado nga tayuyon do magiging vaccinaton flow.
Ro ABL Sport Complex ro magiging bakuna center it Aklan para sa mga provincial frontline health workers nga bakunahan.
Samtang, ro mass vaccination hay maga umpisa sa adlaw it Myerkules hasta it Byernes, Marso 10-12, 2021.
