KALIBO, Aklan – Nagnaba ro nailista nga crime incidents it Region VI halin Enero hasta Mayo it presenteng dag-on kumpara ku 2023.
Raya ro pahayag ni PLtCol. Arnel Solis, spokesperson it Police Regional Office VI nga nakarecord it 4,820 nga manaba it 374 kesa ku kaparehong tyempo ku 2023.
Pahayag nana nga ro murder, homicide, physical injury, rape, theft, robbery, carnapping it four wheel vehichle ag motorcycle hay nagnaba sa 958 kesa 1907 ku 2023 nga nagbuhin it 19.97%.
Base sa record, pinakamataas ro physical injury, theft ag robbery ag ro mga rape cases hay nagnaba man ro record makarong nga dag-on.
Gindayaw ag ginpasaeamatan man nana tanan ro mga kapulisan, LGUs, barangay councils ag tanan nga support groups bangud kun uwa sanda ukon andang hinimuan hay indi maabot ro madinaeag-on ukon nagnaba nga report it mga insidente.
Eakip man sa gihapon sigon ro pagpatigayon it Weekly Enhancing Managing Police Operation agud masayuran ro mga crime incidents sa mga probinisya ag banwa kada dominggo ag kara hay ginamonitor ro status.
Suno man kay Solis ng mabahoe man nga bulig ro pagsalig it mga pumueoyo ag kun may kapulisan gid man nga angot sa mga krimen hay insigida man nanda nga gina-aksyunan.
