KALIBO, Aklan—Nagnaba it 19 porsyento ro crime volume sa bilog nga Western Visayas umpisa Enero hasta Agosto it makaron nga dag-on kumpara sa kaparehong period ko 2020.
Raya ro ginpahayag ni P/Lt. Col. Arnel Solis, bag-ong tagapaghambae it Police Regional Office ukon PRO-6 sa atubang it naexperiensiyahan nga covid 19 pandemic.
Suno kana nga bangud sa mga presensiya it mga border control checkpoints, implementasyon it curfew, liquor ban ag iba pa rason nga nagnaba ro mga nailistang krimen.
Ro ginatutukan sigon nanda hay ro ginatawag nga “8 focus crimes” kapareho it homicide, murder, physical injury, robbery, theft , carnapping ag rape.
Haeos tanan sigon sa nasambit nga mga krimen hay nagnaba mag-eowas sa sangkiri nga pagtaas sa carnapping partikular it mga motorsiklo.
Sa pihak nga parte, naging madinaeag-on man sigon ro andang sigidas nga drug operations pinaagi sa pagka-aresto sa mga drug personalities ag pagka-rekober it mga illegal drugs nga nagabalor it minilyong piso.
Mag-eowas kara, hugut man nanda nga ginapabaskog ro anti illegal gambling operations ag kampanya kontra sa mga loose firearms eabi pa ag nagahilapit ro 2022 elections.
