Grabeng paghili-ugyaw ro ginpatigayon it mga pumueuyo it Croatia matapos nga piyerdihon it andang national football team ro ranked number 1 nga Brazil sa naga padayon nga FIFA world cup 2022 sa Qatar.
Suno kay Bombo international correspondent Lenie Lucing it Croatia nga owa gina-ekspektar it mga taga Croatia ro pagdaog kara kontra sa Brazil bangud sa grabeng kahugot it hampang nga ginhiwat sa Education City Stadium .
Ro mga pumueyo sigon sa Croatia hay nagaselebrar sa kadaeag-an it team ag pag-abanse kara sa semi finals.
Makit-an sigon ro mga pumueuyo nga nagaselebrar ag naga-inoman sa mga karsadahon ag ro pagpina-eupok it fireworks.
Makahawat-hawat it ginhawa sigon ro pagsambuwa it daywang ka team sa sueod it 120 minutos nga hampang nga nakit-an gid sigon nanda ro kalisod it Croatia national football team nga maka-eusot sa hugot nga opensiba it Brazil.
Pinaagi sa penalty shootout sa score nga 4-2 hay naangkon it Crotia ro kadaeag-an.
Makasambuwa it Croatia ro Argentina sa December 14, 2022 adlaw it Miyerkukes.
