Tatag ag tagipusuon ro baeon it title holder it Miss Pacto De Sangre 2026.
Suno kay Chelsea Divine Gali Delfin, representante it Brgy. Jalas sa banwa it New Washington, nag-umpisa ro ideya it pag-intra sa nasambit nga kompetisyon kat mapamantaw imaw it anang tiya bilang sambilog sa mga kandidata it Miss ASU-Banga, nga ana man nga kauna-unahang beauty contest nga gin-intrahan.
Sa pihak sigon nga uwa sa andang pamilya ro mahilig mag-intra sa mga makarayang kompetisyon, naga-pati imaw nga sa kaugalingon nana nga alima ro anang paaeabuton ag kun may mabulig imaw sa iba.// naging adbokasiya nana ro edukasyon it mga kabataan kun sa siin nagapati imaw nga kun may manami nga edukasyon ro sangka inunga hay maeayo ro andang maabot.
Sa pihak man sigon nga common eon ro nasambit nga adbokasiya, makit-an sa gihapon kakueangan kapareho sa mga pasilidad, classrooms, ag sa mga indi haeos maabot it dekalidad nga edukasyon.
Dugang pa nana, apisar nga matapos man ro anang legasiya bilang Miss Pacto de Sangre, mapromisa nana ro anang presensya ag kahauman nga mag-voice out ag mag-serbe para sa anang komunidad.
Bukas man sigon imaw sa opurtunidad nga mag-intra sa mas mataas nga lebel it beauty pageant kun itao kana it Ginuo.
