-- ADVERTISEMENT --
KALIBO, Aklan—Sa pihak it environmental issues sa isla it Boracay, uman nga nagbisita ro international cruise ship nga Ms World Dream sakay ro kapin sa 4,000 mga pasahero nga paurong mga turistang Chinese ag haeos 2,000 mga crew.
Ginsug-aeaw sanda ko myembro it Department of Tourism (DOT) Boracay ag iba pang opisyal it Malay Local Government Unit sa Caticlan Jetty Port kadungan it nagadagundong nga tamboe it Ati-Atihan tribe, ro ginapabugae nga festival sa probinsya it Aklan.
Nauna eon nga nagbisita sa Boracay ro nasambitang cruise ship ko buean it Nobyembre ko nagtaliwan nga dag-on ag nagtinir sa isla ro mga turistang Chinese it haeos siyam nga oras.
