KALIBO, Aklan—Gin-engganyo ni Civil Service Commission ukon CSC-Aklan OIC provincial director Leo Jamorin ro mga government offices ag local government units nga ipaathag bukon eamang sa andang mga empleyado kundi sa publiko ro angot sa ginapatuman nanda nga alternative work arrangements samtang gina-implememtar ro community quarantine agud nga matapna ro mas pang pagkalhit it coronavirus disease 2019 ukon COVID-19.
Ro nasambit nga set-up hay magabuhay hasta sa iga-lift ro mandu nga community quarantine.
Nakadepende sigon sa mga taeatapan it gobyerno ro pagdesisyon it andang natungdan nga alternative work schemes kapareho it skeletal workforce, work from home, compressed workweek ag ro staggered nga working hours.
Sa pihak nga parte, hasta sa Biyernes nga adlaw hay sarado anay ro taeatapan it CSC-Aklan.
Suno kay Jamorin nga tuyo it andang tatlong adlaw nga pagpasarado it andang opisina hay agud nga mataw-an it daean ro paglimpyo ag pagdis-infect it andang field office para sa kamaeayran ag kaeowasan bukon eamang nanda nga mga empleyado kundi ro mga kliyente nanda nga nakikipag-transaksyon.
Ginlaygayan man sigon sanda it central office nga maghimo it nagakaigo nga precautionary measures sa pagsueod sa trabaho.
