KALIBO, Aklan–Ginpadumduman it Civil Service Commission (CSC)-Aklan ro tanan nga opisyal ag empleyado it gobyerno angot sa striktong implementasyon it “no gift policy” eabi eon makaron nga holiday season.
Suno kay CSC-Aklan Director Leo Jamorin nga may tatlong laye nga nagabawae sa pagbaton ag pagpangayo it sin-o man nga empleyado it gobyerno it mga regalo, serbisyo ukon pabor halin sa publiko.
Nakabaehag sa idaeom it Presidential Decree No. 46, ginapatihan nga ginakinahang-ean nga magbutang it maabu nga ngipon sa mga naga-iral nga laye ag regulasyon agud nga matapna ro tanan nga maisip nga klase it graft ag korapsyon.
Ginabawae man it Republic Acts 6713 ag 3019 ro direkta ukon bukon it direktang pagpangayo ukon pagbaton it anumang regalo, share, porsyento ukon benepisyo para sa kaugalingon nga interes ukon sa sin-o man nga tawo nga may kaangtanan sa anumang kontrata ukon transaksyon sa tunga it gobyerno.
Dapat sigon nga maging mayad nga ehemplo ro kada lider it taeatapan sa andang mga empleyado.
Mag-euwas sa pagbaton it regalo, hugut man nga ginabawaean ro solicitation.
