-- ADVERTISEMENT --
KALIBO, Aklan–Personal nga ginbisitahan makaron nga adlaw ni Civil Service Commission (CSC) Provincial Director Leo Jamorin ro opisina it Sangguniang Panlalawigan it Aklan.
Ginpahayag ni Merlyn Arceo-Montaño, Acting Secretary it Sangguniang Panlalawigan nga ro pagbisita hay kaparte it bench marking angot sa plano it CSC nga pagtukod it kaugalingon nga opisina.
Sa kamatuoran suno kana hay sigidas eon ro konstruksyon it bag-ong opisina it CSC sa bahin it Aklan State University (ASU) main campus.
Sambilog sigon ro andang opisina sa ginsuhestiyon para makaangkon it ideya sa daeagan it tama nga pagbuyot it mga importanteng dokumento.
Pila sigon sa mga gustong ma-adopt it CSC hay ro pagmintina it edipisyo ag maayos nga pagmanihar it mga record.
-- ADVERTISEMENT --
