KALIBO, Aklan–Sigidas eon ro preparasyon it Civil Service Commission (CSC)-Akan sa pagbaton it exam application para sa March 26, 2023 nga pen and paper test.
Suno kay CSC-Aklan Director Leo Jamorin nga ko buean it Oktobre hay nagpagguwa sanda it anunsyo para ipaathag sa publiko ro schedule ag venue it pagahiwaton nga exam.
Dugang pa kara nga may daywang application period sanda nga ginlunsar.
Ro una hay para sa mga unrefunded examinee nga naeakip sa kanselasyon it exam ko Marso 15, 2020 kung siin may special application para kanda halin Disyembre 14 hasta 21, 2022.
Samtang, ro regular filing ukon application period hay nakataeana sa halin Disyembre 22 hasta Enero 23, 2023.
Gin-insister man kara nga “first come, first serve” ro andang igapatuman sa pagbaton it aplikasyon hasta sa mapuno ro nabilin nga slot.
Angot kara, may igalunsar man sigon sanda nga sangka espesyal nga proseso partikular ro online application.
Kinahang-ean sigon nga magpa pre-register anay para masiguro nga successful ro pagahimuon nga registration.
