KALIBO, Aklan—Uman nga ginpaeawig ro ginapatuman nga curfew hour sa banwa it Kalibo.
Raya hay maga-umpisa eun it 9:00 it gabi-e hasta alas 4:00 it agahon.
Suno kay Kalibo Liga ng mga Barangay President Ronald Marte nga nakataeana nga magapaguwa it Executive Order si Kalibo Mayor Emerson Lachica angot sa nasambit nga pagsinueondan.
Kahapon kat nagpatigayon it hinun-anon ro Municipal IATF kung sa siin nagpagdesisyunan nga ibalik eun lang sa dati ro ginapatuman nga curfew hour tuga it nagatinaas nga kaso it makamaeatay nga sakit nga COVID-19.
Natukiban dugang nga ro ginhalinan it mga kaso it COVID-19 hay ro mass gatherings ag ro pakikipag-inuman.
Samtang, ginkasubo man sigon it LGU nga gin-abusar it ibang pomoeuyo ro pagpaeawig dati it curfew nga ro intensyon kungta hay agud mataw-an it mas mahabang oras ro mga establisiyemento komersyal.
