Kalibo Aklan ——-Uman nga ginpahaba it lokal nga gobyerno it Malay ro curfew hours umpisa alas-10 it gabi-i hasta alas-5 it agahon .
Raya hay halin sa dating alas-11 it gabi-i hasta alas-4 it aga-aga .
Suno kay P/Lt. Col. Don Dicksie De Dios, hepe it Malay PNP nga ro pag-adjust it curfew hay sandig sa Executive Order No. 27, series of 2021 it LGU-Malay.
Kasunod raya sa ginpaguwa man nga Executive Order ni Aklan Governor Florencio Miraflores nga nagahugut sa implementasyon it minimum health protocol agud nga matapna ro pagtinaas it kaso it COVID- 19 sa probinsiya .
Apang ginklaru kara nga ro curfew sa mainland malay hay base sa ginpaguwa nga EO it gobernador nga alas-9 it gabi-i hasta alas-5 it agahon.
Samtang, gindugang pa ni de Dios nga bantay sarado man nanda makaron ro mga tourism establishments sa Isla agud nga masiguro nga hugut nga ginapatuman ro liquor ban ag owa it mass gathering.
50% eamang sigon it kapasidad it mga restaurants ro ginapasugtan .
Sa pihak nga parte, maskin nga ginduea ro age restrictions sa mga turista, apang bawae sa mga residente nga naga-edad it 15 panaba ag 60 pataas ro magguwa it andang panimaeay.
