KALIBO, Aklan — Ginamandu it lokal nga gobyerno it Kalibo ro hugut nga pagpatuman it curfew sa mga menor de edad umpisa alas-10 it gabi-i hasta alas-4 it aga-aga.
Raya hay base sa gin aprubahan nga daywang resolusyon nga gin-author ni Sangguniang Bayan member Ketchie Luces.
Raya hay kasunod it pagkaeakot it mga menor-de-edad sa mga krimen sa banwa it Kalibo sa dis-oras it gabi-i kun sa siin ro pinaka-ulihi hay ro vandalism incident sa Brgy. New Buswang, Kalibo.
Mag-eowas kara, pilang mga menor de edad ro nataeupangdan nga nagawinarang sa karsada maskin nga managob eon nga owa it kaibahan nga ginikanan ukon guardian.
Dugang pa ni SB Luces nga ko tiempo eamang it pagpanaesa it COVID 19 pandemic naging instrikto sa curfew hour.
Samtang, nakabaehag man sa sambilog pang resolusyon ro mandu sa kapulisan nga hugut nga ipatuman ro curfew ordinance sa mga menor de edad.
