KALIBO, Aklan—Ginduea eon ro curfew sa Sydney, Australia umpisa makaron nga adlaw kasunod it pagnaba it mga kaso it covid 19 ag 80% sa populasyon ro nakabaton eon it unang dose it bakuna.
Suno kay Bombo International Correspondent Denmark Suede it Sydney, Australia nga ginaeauman nga sa katung-anan it Oktubre hay posibleng duea-on man ro lockdown.
Mag-eowas kara, nakataeana man nga pagabuksan ro nasyon sa katung-anan it Disyembre halin sa haeos 18 buean nga pagbawae sa mga Australians nga makabiyahe paguwa it nasyon kamana man nga pasugtan eon ro mga turista nga makasueod sa nasambit nga nasyon.
Pagabuksan sigon it andang airline companies ro andang rota sa pitong destinasyon, kaeakip ro UK, LA, Vancouver, Tokyo ag iba pa apang bukon it kaibahan kara ro Pilipinas.
Raya hay kauna-unahan nga natabu umpisa ko marso 2020.
May patakaran man sigon nga kon bukon it fully vaccinated hay indi pwedeng makasueod sa mga salon.
