Ginpasibangdan it contractor nga si Pacifico ‘Curlee’ Discaya ro masobra 150 opisyal it gobyerno, kaibahan ro pilang mamalidha, nga imbolbado sigon sa mga kickback scheme angot it mga flood control project.
Suno kay Discaya, haum imaw nga mag-tao pa it mga pangaean it mga opisyal nga may kaangtanan sigon sa kontrobersiya.
Ginpunto nana nga lehitimo ag maayos nga naipatigayon it anang kumpanya ro mga kontrata kara ag uwa it ghost ukon substandard projects.
Kasunod kara, nagpangayo man imaw it pasaylo sa publiko angot it [agka-imbolbar sigon nanda sa mga transaksyon nga may kaangtanan sa mga una sa gahum.
Nagguwa ro pahayag ni Discaya matapos imaw nga arestuhon it mga awtoridad kasunod it anang paghilway halin sa kustodiya it Senado.
Imaw ag ro anang asawang si Sarah Discaya hay nagapangatubang sa kasong malversation matapos magpaguwa it warrant of arrest ro hukuman sa Malolos, Bulacan angot it iregularidad sigon sa mga flood control project.
Presenteng una sa kustodiya it CIDG si Discaya ag ginaeaumang maga-atubang sa korte samtang nagapadayon ro pagpamati sa kaso.
