KALIBO, Aklan—Nakataeana nga iga-review it Department of Education (DepEd) ro curriculum it K-12 program.
Raya hay kasunod sa resulta it 2018 Programme for International Student Assessment (PISA) kon sa siin ro Pilipinas hay sa pang-ulihing pwesto pag-abot sa reading comprehension skills it mga estudyante.
Suno kay Dr. Dobie Parohinog, Chief Education Supervisor it DepEd-Aklan, tuyo sa pagreview sa curriculum nga masayuran kon naaangot sa globally competitive standard ro learning strategy it mga manugturo.
Tuyo dugang nga masayuran kon ham-an it manaba ro score nga nabueo it mga estudyante kon ikumpara sa ibang nasyon.
Ginpahayag dugang nga pagahimuon raya nga basehan sa pagreview agud nga makata-o it husto nga solusyon ro DepEd pag-abot sa implementasyon it programa, project ag activities para sa masunod nga dinag-on.
Sa makaron suno kana hay inde pa nanda mahambae kon madinaeag-on ro implementasyon it nasambitang programa bangud nga ro curriculum hay ginakabig nga sangka life long process antes mahambae nga kabilugang naging madinaeag-on ro sangka programa.
