Nagtaas it 21.8% ro cybercrimes sa nasyon sa unang quarter it 2024 kumpara sa parehong panahon ku 2023, suno sa Philippine National Police (PNP).
Sa datos halin sa Anti-Cybercrime Group (ACG), pahayag it PNP nga ro pinakasimple nga kaso hay ro online selling scam, credit card fraud ag investment scam.
Mahimo maging rason it pagtaas it insidente it cybercrimes hay ro pagtaas it aktibidad sa online, mga sopistikadong taktika sa cybercrime ag ro pagkaduea it kasayuran it publiko.
Angot kara, hinambae it ACG dugangan pa it PNP ro mga checkpoint ag pagpatrolya samtang ro “cyber cops” hay nakatutok sa mga krimen sa internet.
Pahayag man ni PNP chief Gen. Rommel Marbil nga pasangkaron pa ro kampanya kontra sa cybercrimes paagi sa pagtaeana it mas maabo nga resources it pwersa it kapulisan ag pagpamayad it mga kapasidad agud suk’ean ro nagahaboe nga paeag it mga cyber-related offenses.
