KALIBO, Aklan—Ginklaru it Department of Agriculture ukon DA region 6 nga mga corn farmers eamang ag mangingisda ro maka-avail it tig-3,000 pesos nga fuel subsidies agud nga mapahagan-hagan ro epekto it grabeng pagtaas it presyo it produktong petrolyo.
Suno kay James Earl Ogates, Regional Information Officer it Department of Agriculture ukon DA region 6 nga kapin sa 500 milyon pesos ro gintaeana nga pondo kara it departtamento sa bilog nga nasyon.
Sa Western Visayas, kapin sa 3,222 nga mangunguma it mais ro kaibahan sa listahan kun sa siin kapin sa 512 ro naghalin sa Aklan.
Ro subsidy para sa mga mangunguma hay igataeana para sa traktura nga ginagamit para sa corn production halin sa preparasyon sa pagtanum hasta sa pag-ani it produkto.
Gindugang pa ni Ogates nga owa eon gin-eakip ro mga mangunguma it paeay bangud nga nakabaton eon sanda it 5,000 pesos pinaagi sa Rice Farmers Financial Assistance.
Sa Lunes hay paga-umpisahan eon ro validation sa mga corn farmers halin sa Altavas, Balete, Banga, Ibajay, Madalag, Malinao ag Numancia partikular ro pag-usisa sa andang farm equipment.
Ginatun-an pa sigon kon discount card ukon vouchers ro igapanupod sa mga mangunguma.
Samtang, ro distribution it subsidiya sa mga mangingisda hay pagapangunahan it Bureau of Fisheries and Aquatic Resources ukon BFAR.
