KALIBO, Aklan—Sa kabilugan nga 31,859 nga target beneficiaries sa bilog nga probinsiya it Aklan, naga-abot eon sa 28,294 nga rice farmers ro nakabaton eon it cash subsidy nga 5,000 pesos halin sa Department of Agriculture Western Visayas.
Ssuno kay Ms. Salome David, OIC it office of the provincial agriculturist nga raya hay sa idaeum it Financial Subsidy to Rice Farmers it nasambit nga ahensiya.
Ro mga mangunguma nga naga-uma sa sang ektaryang eugta manaba it paeay hay maka-avail it nasambit nga kantidad.
Sa nabilin suno kana nga masobra sa tatlong libu nga benepisyaryo, nakataeana sanda nga magapueong para sa distribusyon it cash assistance.
Kabilugan suno kana nga 141 milyon pesos ro gintaeana nga pondo para kara sa bulig it land bank of the philippines, lokal nga gobyerno it aklan ag department of agriculture.
Tuyo sigon kara nga masuportahan ro mga mangunguma sa epekto it COVID-19 pandemic sa andang pangabuhian ag economic activities pinaagi sa programa.
Agud nga makabaton it cash assistance, kinahangean nga ro mangunguma hay nakalista sa Registry System for Basic Sectors in Agriculture.
