KALIBO, Aklan—Gina-engganyo makaron it Department of Agriculture (DA)-Aklan ro publiko nga magbakae eamang it mga processed meat products nga naghalin sa mga lugar ukon rehiyon nga bukon it apektado it African Swine Fever (ASF).
Raya hay kasunod it pagpamintaha it pilang negosyante sa mga social media platforms agud nga ibaligya ro andang processed meat products nga may sangkap nga karne it baboy.
Raya hay Bangud nga natueopangdan sigon it mga raya nga maabo eon nga tawo ro mas gustong magbakae online umpisa nga nagpanaeasa ro pandemya sa nasyon.
Makaron nga tyempo it Kapaskwahan dapat sigon nga maging madahan ro tanan eabi eon sa pagbakae it mga handa ukon karne agud mapaeayo sa peligro.
Nasayuran nga kapin sa 80 porsyento it swine industry sa probinsya it Aklan hay ginabilog it mga backyard raisers.
Bangud kara, gina-engganyo man it taeatapan ro mga pumueoyo nga suportahan ro mga hog growers sa probinsya kamana man nga tangkilikon ro mga lokal nga produkto.
Sa makaron hay nagapabilin nga euwas sa paeag it ASF ro probinsya it Aklan ag bilog nga Western Visayas.
