Ginbawi eon it Department of Agriculture ro import ban sa mga pispis ag poultry products halin sa Michigan sa Estados Unidos.
Raya ro ginkumpirma it ahensya ag ginpahayag nga ro mandato hay naging epektibo ko adlaw it Martes.
Bilang sabat hay nagpaguwa it Department of Agriculture Memorandum No. 47 si Agriculture Secretary Francisco Tiu-Laurel Jr. nga nagamando sa pagduea it gin-imponer nga ban sa mga imported poultry products halin sa nasambit nga lugar.
Ginpasayod sigon it US veterinary authorities sa World Organisation for Animal Health nga naresolba eon nanda ro kaso it avian influenza ukon bird flu sa andang lugar .
Uwa eon man sigon sanda it nailistang panibag-ong kaso halin ko Hulyo 12 it presenteng dag-on.
Ginpadumdom man it opisyal nga kinahang-ean sumunod ro tanan nga import transactions sa mga sueondanan it Department of Agriculture sa pag-import it mga agri products.
