Ginreport it Department of Agriculture (DA) nga kaibahan ro mga minimum wage earner sa P20 rice program it gobyerno.
Ginhimo it ahensya ro pahayag kadungan it paglunsar it DA kaibahan ro Department of Labor and Employment sa nationwide roll out it nasambit nga programa.
Ro tikang ngara it DA ag DOLE hay bilang pagsunod sa direktiba ni Pangueong Ferdinand Marcos Jr. nga mapa-ugan ro paeas-anong pinansyal it mga Pilipino nga kaibahan sa mga bulnerableng sektor it lipunan.
Sa sangka pahayag hay ginpamilit ni Agriculture Secretary Francisco Tiu Laurel Jr. nga padayon ro ginahimong tikang it ahensya para mag-angkon it baratong pagkaon sa nasyon.
Naga-pati man si Labor Secretary Bienvenido Laguesma nga mabahoe rayang bulig sa mga minimum wage earner eabi eon ag bukon it bastante ro andang ginakita.
Base sa datos it ahensya , maabot sa haeos 120,000 ro mga trabahador sa nasyon nga mga minimum wage earner halin sa masobra 500 establisyimento
