Ginklaru it Department of Agriculture (DA) nga ro ginagamit nga patatas it mga fastfood chain sa Pilipinas hay ro mga gina-import halin sa ibang nasyon nga ginatawag nga chicken potatoes.
Raya hay owa ginatanum sa Pilipinas bangud nga iba ro klima it nasyon ag owa nagakabagay sa pagtanum kara .
Ginpahayag ni DA Assistant Secretary Kristine Evangelista nga ro white potato ukon table potato eamang ro ginatanum it mga mangunguma sa Pilipinas.
Ro white potato ukon table potato hay indi pwedeng gamiton sa pag obra it frenchfries nga paborito it mga pamatan-on ag kaeabanan nga nakikita sa mga fast food chain.
Suno pa kay Evangelista, nagapatigayon eon it testing ro andang ahensya sa mga lugar sa Pilipnas nga may maeamig nga temperatura agud nga tamnan it chicken potatoes bangud sa mas mataas ro demand kara sa nasyon kumpara sa Filipino potatoes.
