DA, ginpasiguro nga may bastanteng suplay it bugas sa tunga it pag-umpisa eon it tyempo it tag-uean

Ginpasiguro it Department of Agriculture (DA) nga may una eon nga bastanteng suplay it bugas sa nasyon sa tunga it pag-umpisa eon it tyempo it tag-uean sa mga masunod nga buean.

Suno kay DA spokesperson ASec. Arnel de Mesa, base sa ulihing imbentaryo ko Disyembre it nakataliwan nga dag-on, nagaguwa nga may bastante pang suplay hasta sa mag-anihan sa tyempo it lean months nga sa masami hay sa katung-anan it buean it Hulyo ukon katung-anan it buean it Agosto.

Sa makaron, ro import level it bugas para sa buean it Mayo 2025 hay kapin sa 1.7 million hasta it 1.9 million metrikong tonelada.

Ginhimo it DA official ro pagpasiguro matapos opisyal nga ideklara it state weather bureau ro pag-umpisa it Habagat sa nasyon.