Target it Department of Agriculture (DA) nga mag-import it 22,000 metric tons it sibuyas.
Suno kay DA Spokesman Asec. Rex Estoperez, raya ro nagguwa sa andang pagtuon nga eubus nga kinahangean para sa sang buean nga suplay.
Ginatan-aw eon man sigon nanda ro government to government contract sa pag-import it sibuyas.
Raya hay agud nga indi makontrol it mga pribadong trader ro imported nga sibuyas ag malikawan ro smuggling.
Nagaeaum sanda nga mabaligya sa P70 hasta P80 pesos ro imported nga sibuyas.
Samtang, nakikipag-angot eon man sa mga Local Government Unit ro DA agud nga makabulig sa pagpanaba it presyo it sibuyas.
Ginpahayag ni Estoperez nga ro mga LGU ro may police power nga puwedeng mag-compel sa mga cold storage nga magpaguwa it mga suplay.
Nagahinyu man sanda sa onion traders nga indi pagpataasan it husto ro presyo.
