Nagpaandam ro Department of Agriculture–Regional Crop Protection Center (RCPC) sa mga mangunguma sa Western Visayas kontra sa posibleng pag-abo it mga peste ag sakit nga posibleng makaapekto sa mga paeayan sa pangatlong quarter it 2026.
Kaibahan sa mga ginaeaumang paeag ro bacterial leaf blight, brown planthopper, brown spot, leaf folder, ag rice stemborer sa nagkaeain-eain nga probinsya it rehiyon.
Suno sa RCPC, kaibahan ro Aklan, Antique, Capiz, Guimaras,ag Iloilo sa mga lugar nga posibleng maapektuhan.
Ginrekomenda it ahensya ro regular nga pag-bantay sa mga paeayan, maayos nga pagdumaea it taeamnan, tamang paggamit it abono, bastante nga irigasyon, ag dueungan nga pagtanom para mabawasan ro peligro it pagkalhit it mga peste ag sakit.
Ginengganyo man ro mga mangunguma nga insigidang ireport sa mga agricultural technician ro anumang bukon ordinaryong pag-abo it peste ukon pageutaw it sakit para maagapan ag indi eon magkalhit sa mga kaeapit nga sakahan.
