Gina-tun’an makaron it Department of Agriculture ro pagbaligya it P20-per-kilo it bugas sa mas maabong lokasyon sa nasyon.
Parte raya it tikang it ahensya nga maka-baligya it baratong bugas sa mas maabong lugar sa Pilipinas.
Base sa datos it DA, maabot eon makaron sa haeos 80 KADIWA ukon Katuwang sa Diwa at Gawa para sa Masaganang Ani at Mataas na Kita Center ro naga-baligya eon it P20 per kilo.
Kaibahan sa mga raya hay nakatindog eon sa Cebu ag Bacolod samtang isunod eon man it ahensya ro Bohol , Camarines Sur, San Juan ag Navotas City sa Metro Manila.
Raya hay naka angkla sa tuyo it gobyerno nga panabaon ro presyo it mga commercial rice sa merkado nga una eon nga ginpromisa ni Panguqong Ferdinand Marcos Jr.
Target it ahensya nga ipatuman ro nationwide rollout sa Enero 1, 2026.// Sa makaron, mabakae ro P20-per-kilo nga bugas sa mga KADIWA Centers ag mga lokal nga gobyerno.
