Natumod it Commission on Audit (COA) nga padayon nga owa hagamit it Sandiganbayan ro dag-onan karang badyet umpisa ku nagtaliwan nga 2019, antes pa man ro pandemya it COVID-19.
Sandig sa annual audit report para sa 2021, ginpahayag it mga state auditor nga para sa 2019, 2020, ag 2021, sangka average nga P42.264 milyon ukon 6.75% ro nagamit kada dag-on it Sandiganbayan maghalin sa kabilugang allotments kara para sa maintenance ag operations pati eon man ro capital outlay.
Dugang pa it mga auditor nga ro low utilization hay nagresulta sa manaba nga paggamit sa mga nagpanguna nga programa, aktibidad, ag proyekto it korte, kabaliskaran sa probisyon it General Appropriations Act nga dapat gastuson it mga ahensyang may fiscal autonomy ro nakaprograma sa andang dapat pagagastuhan.
Samtang, ro mga partikular nga account nga may manabang paggamit para sa 2021 hay mga furniture and fixtures; repairs and maintenance of buildings and structures; ag machinery and equipment outlay nga ginakaeakipan it information and communication technology equipment.
