NATIONAL News — Ginpaabot it Bureau of Fisheries and Aquatic Resources (BFAR) nga bukon it bastante ro dag-unan nga tatlong-buean nga fishing ban agud nga mapabilin ro kabuganaan it Visayan Sea bilang pangisdaan.
Natapos ro ban ko Pebrero 15 agud nga taw-an it daean ro pag-abu it herring, mackerel, ag sardinas, apang gin-insister ni BFAR-6 Regional Director Remia Aparri nga kinahangean it dugang nga mga tikang para sa pangmabuhayan nga pagpa-abu it isda.
Nagpueong sanda sa Concepcion, Iloilo ko Pebrero 18 agud nga talakayon ro mga estratehiya.
Owa man it nadakpan nga nag-eabag sa closed season, apang ginpamilit it BFAR ro mas hugut nga pagpatuman it pagbantay sa mga nagapatigayon it “hulbot-hulbot” ukon Danish Seine fishing, sangka makasaeamad nga pamaagi sa mga coral reef.
Mabudlay nga ipatuman ro regulasyon bangud sa kaeapad nga sakop it Visayan Sea, rason nga kinahangean ro koordinasyon it PNP Maritime Group, Philippine Coast Guard, ag mga LGU sea patrol.
Gina-engganyo man it BFAR ro mas hugut nga pagbantay sa marine protected areas.
