Bangud sa ‘soup diet,’ rason nga mataeupangdan ro pagniwang ni Pangueong Ferdinand Marcos Jr. sa sangka pre-recorded video message nga gin-deliver sa Philippine National Police (PNP) Day celebration sa Camp Crame, adlaw it Huwebes.
Ginpahayag ni Executive Secretary Ralph Recto nga ro Pangueo hay nag-‘soup-only diet’ sa nagtaliwan nga pilang adlaw.
Si Recto ro nag-representar sa Pangulo sa nasambit nga event, samtang ginalaygayan it anang mga doktor ro Pangueo nga makaangkon it mahabang domingo nga pahuway.
“Kung kayong lahat ay kumain lang ng sabaw ng tatlo o apat, limang araw, eh talagang papayat ka,” ayon kay Recto.
Sa makaron suno kana hay una eon sa mayad nga kondisyon ro Pangueo ag ginaeauma nga magabalik sa anang mga regular nga aktibidad sa masunod nga domingo.
Sa pihak nga parte, ro owa pagtambong it Pangueo sa nasambit nga event hay uman eon man nga gin-umpisahan it tsismis online nga bukon gihapon it mayad ro kondisyon it anang ikamayad nga eawas.
Suno man sa Malakanyang, maskin nga mayad eon ro health condition it Pangueo, temporaryo gihapon nga limitado ro anang engagements sa mga private meetings.
Kat kutan-on si Recto kun pagapa-imbestigahan ro nagakalhit nga pekeng medical report it Pangueo, ginpahayag nana nga owa pa nana naka-istorya ro Pangueo angot sa nasambit nga butang, apang posible sigon nga raya hay pagapa-imbestigasyon.
Suno pa kana, “well aware of any issue” si Pangueong Marcos, kaibahan eon ro impeachment complaints nga ginpasaka kontra kana sa Kongreso.
