POLICE Report — Gindakop it mga awtoridad ro tatlong Grade 12 students bangud sa gina-alegar nga pagpangmolestiya sa andang 16-anyos nga schoolmate sa Tondo, Manila.
Base sa report it Baseco Police nga nakikipag-istorya sigon ro dalagita sa sambilog sa mga suspek kat sampiton sigon raya nga makipag-inuman kanda.
Nag-umpisa ro andang inuman it alas-11 it gabi-i ag natapos bandang alas-2 it aga-aga.
Suno sa biktima, nakatueog imaw bangud sa kahilungon ag pagbugtaw nana hay nabatyagan kara nga may nagaharu kana ag nagapuko sa anang alima.
Ginpahayag dugang nga nagbueos-bueos ro mga suspek sa paghimueos kana.
Nakapaeagyo imaw kat makatueog ro mga suspek ag pagkatapos hay nag-agto sa anang amiga.
Naaresto ro mga suspek sa follow-up operation, kun sa siin nagpamalibad sanda nga magtau it anuman nga komento.
Nakaditine ro mga suspek sa Baseco Police Station ag magapangatubang sa reklamong rape.
