Kalibo Aklan —- Balik eon sa normal ro sitwasyon sa Dalian City, China matapos ro haeos daywang buean nga pakikipagsukoe sa 2019 coronavirus disease (COVID-19) pandemic.
Suno kay Bombo International Correspondent Gloda Sasuman, tubong Brgy. Carogdog, Lezo apang presenteng naga-istar sa nasambitang nasyon nga nagbalik eon ro ekonomiya it nasyon matapos nga ginbawi it gobyerno ro lockdown ag ginpabuksan ro mga negosyo.
Suno kana, balik eon sa dati ro night life it mga tawo matapos nga nagbukas eon ro mga entertainment hubs.
Nakaka-unwind eon man sigon ro mga tawo bangud haeos tanan nga mga shopping malls ag tourist destination hay ginpabuksan it uman.
Apang, ro mga eskwelahan hay nagapabilin nga sarado para sa kaeowasan eon man it mga pumueoyo.
Ginkonsidera sigon it gobyerno ro suhestyon nga inde anay pagbuksan ro mga eskwelahan bangud sa oras nga makaangkon it uman it klase hay magabaealik ro mga estudyante halin sa mga kaeapit nga nasyon nga infected man it makamaeatay nga virus.
Ro Dalian City hay may 50 milyon populasyon kon sa siin sa kasagsagan it pagpanaeasa it COVID-19 hay maabo man ro natamaan rason nga nagdesisyon ro Chinese Government nga i-lockdown ro lugar.
Ro uwa gidlang napyerde sa pagnegosyo hay ro mga maeagkuang supermarkets, grocery stores ag mga pharmacies.
