KALIBO, Aklan —Nagaabot sa masobra P20 milyon ro danyos it sunog nga nagtupok sa 35 baeay ag tatlong commercial buildings bandang alas-12:00 it truadlaw sa Sitio Bantud, Barangay Manocmanoc, Boracay.
Suno sa Bureau of Fire Protection (BFP)-Malay Boracay sub-station, haeos totally burned ro tanan nga mga baeay ag establisimento komersiyal.
Sa pinakaulihing datos it Malay Municipal Social Welfare and Development Office (MSWDO)-Malay, kapin sa 28 pamilya ro apektado nga ginakaeakipan it 219 nga indibidwal ag 66 ro boarders nga temporaryong nagdayon sa Manocmanoc gym.
Daywa ro naireport nga naninahan sa insidente.
Ginapahayag nga posibleng nag-umpisa ro sunog sa sangka bakery.
Apang, hugot nga ginpamalibaran ni Jimmy Neri, tag-iya it panaderya nga bukon it sa anang pwesto naghalin ro kaeayo kundi sa kaeapit baeay nga ginasugid nga uwa it tawo kat matabo ro sunog.
Nagapadayon pa ro imbestigasyon it mga otoridad sa ginhalinan it sunog.
