KALIBO, Aklan — Ginatantiya nga naga-abot sa P70,000 ro danyos sa pagkasunog it sangka panimaeay bandang alas-8:30 it gabi-i sa Sitio Dihong, Brgy. Guinbaliwan, New Washington .
Ginasugid nga ugdaw gid ro panimaeay nga gindonar it Philippine Red Cross sa mga biktima it bagyong Yolanda nga ginapanag-iyahan ni Zaldy Bernabe Dela Cruz, sa legal nga edad ag residente it nasambit nga lugar.
Base sa imbestigasyon it Bureau of Fire Protection ukon BFP-New Washington nga pilang testigo ro nagpahayag nga antes nga nagtuhaw ro sunog hay nakabati anay sanda it medyu may nag-eupok.
Natukiban pa nga ro rason it sunog hay bangud sa naaywan nga nakasindi nga kandila .
Nasayuran nga ro nagapanag-iya it baeay hay bag-o eamang nga nakahilway halin sa pagkakulong sa Aklan Rehabilitation Center ukon ARC .
Sa mayad nga swerte hay owa it nailistang naninahan sa insidente.
