KALIBO, Aklan—Ginatos nga mga residente ag empleyado ro naapektuhan sa pagkasunog it 12 ka panimaeay ag sangka bodega it sangka kite boarding resort sa Sitio Bolabog, Barangay Balabag sa isla it Boracay.
Pasado alas-7:45 kat matabo ro sunog ag daeayong naapula bandang alas-9:00 it gabi-e.
Suno kay FO1 Zaulda it Bureau of Fire Protection (BFP)-Boracay, nag-umpisa sigon ro kaeayo sa sambilog sa mga baeay matapos habyan it upos it sigarilyo.
Ginatantyang kapin sa P1.5-million ro naging kahalitan nga parehong human sa light materials ro kabaeayan ag bodega nga natupok.
Kaabuan sa mga naugdaw hay boarding houses nga ginadayunan it mga empleyado sa isla.
Uwa man it naninahan sa insidente.
Ginbakwit ro kaeabanan sa mga residente sa sangka covered court.
Nasayuran nga ko Enero 27, 2019, nasunog man ro 35 ka panimaeay ag tatlong commercial buildings sa Sitio Bantud, Barangay Manocmanoc, Boracay.
