KALIBO, Aklan—Nagpanindugan si Aklan 1st District Sagguniang Panlalawigan Member Atty. Harry Sucgang nga dapat maging maidid ro gobyerno sa pag-isyu it lisensiya sa mga gustong makaangkon it baril.
Suno kay Sucgang nga owa ginabawaean ro paghupot it baril mas kapin kung raya hay ginagamit bilang proteksyon apang ro tanan hay dapat nga ibutang sigon nga tama nga lugar.
Samtang ginpahayag dugang kara nga engkasong indi pagbantayan it husto hay posible nga mag-abusar ro mga tawo kung may ginabuytan eun nga baril.
Ro nasambitan nga pahayag ni Sucgang hay kasunod it naging pahayag ni Pangueong Rodrigo Duterte nga armasan ro mga civilian volunteer group agud makabulig sa pagpatuman it layi.
Apang ko adlaw it Lunes, ginklaro man mismo it Philippine National Police (PNP) nga owa it plano nga magpanudpod it armas ro gobyerno ag maga-agi sa sa proseso ro sin-o man nga mga miyembro it grupo nga interesadong magbakae it baril.
Samtang, sa pihak nga parte, nagpaabot man it anang pag suporta si SP Member Atty. Harry Sucgang kay Senator Manny Pacquiao engkasong magpadaeagan raya sa pagka-Presidente it nasyon.
Raya hay bangud sa pihak sigon it anang manubo nga educational status hay owa sigon it bahid it korapsyon ro pangaean it nasambitan nga Senador.
Dugang pa kara, nga may mga adviser man si Senator Pacquiao nga pweding magtao kana it ideya sa mga pagahimuon nga tikang para sa ikamayad it mga Pilipino.
